Paytaxtda istifadə olunan yeni avtobuslarda isə açılan pəncərələr az və balacadır. İsti havada, pik saatda, əhalinin çoxluğundan nəfəs almaq da çətinləşir. Sərnişinlərin havalandırma və ya kondisoeri yandırma tələbi isə cavabsız qalır. Ya da “nasazdır, işləmir” deyilir.
Artıq bir neçə marşurut xəttində sərnişinlərin tələb etməsinə baxmayaraq, kondisonerlərin işə salınmaması ilə bağlı redaksiyamıza da şikayətlər daxil olur.
Bakı Nəqliyyat Agentliyindən AzVision.az -a bildiriib ki, müntəzəm marşrut xətt avtobuslarında havalandırma, isitmə və sərinləndirmə sistemlərinin olması sərnişinlərin rahatlığı üçündür. Nazirlər Kabinetinin 73 saylı qərarı ilə təsdiq olunan tələblərdə də bu məsələ xüsusilə qeyd edilib. Hər bir daşıyıcı şirkət istismarında olan avtobuslarda bu sistemlərinin olması və işlək vəziyyətdə saxlanılması üçün məsuliyyət daşıyır.
Agentlikdən bildirilib ki, prosedura uyğun olaraq hər il yay mövsümü başlamazdan əvvəl müntəzəm sərnişindaşıma fəaliyyəti göstərən daşıyıcılara rəsmi qaydada xəbərdarlıq məktubu göndərilir: “Onlara avtobuslarda sərinləndirmə sistemlərinin işlək vəziyyətə gətirilməsinə dair göstərişlər verilir. Həmçinin, yay mövsümünün iyunun 15-də başlamasına baxmayaraq, sərnişinlərin rahatlığı üçün avtobuslarda tempuratur göstəricilərinin tənzimlənməsi barədə də tapşırıqlar verilib”,- deyə BNA tərəfindən sorğumuza cavab da qeyd edilib.
Aytən Zəhra
AzVision.az
“Nasazdır, işləmir” - Avtobuslarda havalandırma niyə yoxdur?
22 May 2023
Oxunub:1661
Azərbaycanda yay mövsümü iyunun 15-dən başlayır. Əksər ictimai nəqliyyat vasitələrində kondisionerlər bu tarixdən işə salınır. Lakin son illər hava daha erkən isinir. Beləliklə, mövsüm başlamadan avtobuslarda kondisonerlərin işə salınması mövzusu yenidən gündəmə çevrilir.
Vaxtında, Aydın, Lazımlı!
-1782716528.jpg&h=190&w=280&zc=1&q=100)
-1782727082.jpg&h=190&w=280&zc=1&q=100)
-1782202883.jpg&h=120&w=187&zc=1&q=70')
