AzVision.az xəbər verir ki, bu fikirləri Yeni Azərbaycan Partiyasının (YAP) Siyasi Şurasının üzvü, deputat Aydın Mirzəzadə ermənilərin girov götürdüyü Azərbaycan vətəndaşı Dilqəm Əsgərov və Şahbaz Quliyev haqqında danışarkən deyib.

Millət vəkilinin sözlərinə görə, girov götürülən soydaşlarımız göstərdikləri şücaətlə Ermənistan ordusu haqqında mifi darmadağın etdi.

“Ermənistan mətbuatı məlumatları əsəbiliklə və gərginliklə verir. İki mülki vətəndaş onların cəghə xəttini hiss edilmədən keçərək işğal altında olan Kəlbəcər rayonuna gəlir və hətta orada videoçəkilişlər də edirlər. Bu isə Ermənistanın özündə Ermənistan ordusu haqqında mifi darmadağın etmiş olur.

Azərbaycan mətbuatında isə məlumatlar həyacanla və fəxarətlə verilir. İki mərd Azərbaycan kişisi ölümünü gözünün qarşısına alaraq düşmən tərəfə keçməsi və özlərini evlərindəki kimi hiss etməsi xalqımızın genetik qorxmazlığından xəbər verir.

Əslində də belədir. Kəlbəcər Azərbaycan ərazisidir və hər iki şəxs öz evlərinə getmələrii üçün kimdənsə icazə almağa ehtiyac görməyiblər.

Yaxınlarının dediklərinə görə onlar əvvəllər də o ərazilərə gedib-gəlirlərmiş. Ermənistan əsgəri tutduğu ərazini heç də güclü qorumurmuş. Hər halda Dilqəmin və Şahların o ərazidə tutulması bunu sübut edir”.

Deputat hesab edir ki, bu olaydan sonra bir neçə erməni generalı vəzifəsindən uzaqlaşdırılacaq:

“Bilmirəm bu "başısoyuqluğa" görə neçə erməni generalı vəzifəsindən qovulacaq, neçə hərbi hissəyə qəfil yoxlamalar gələcək, ancaq göründüyü kimi silahsız azərbaycan kişisi silahlı erməni əsgərindən, döşü medallı erməni generalından qat-qat güclü imiş.

Belə nümunələr yaxın tariximizdə artıq varımızdır. Ramil Səfərov Ermənistan zabitinin Azərbaycan bayrağına təhqrinə dözməyərək onun layiqli cəzasını verməsini hər birimiz biliriki.

Mübariz İbrahimov Ermənistan əsgərlərinin azğınlığına dözməyərək işğal edilmiş tərəfə keçərək neçəsinin layiqli cəzasını verməsi çox ədalətli idi.

Dilqəm Əsgərov və Şahbaz Quliyev isə Vətən ayrılığna dözməyərək öz evlərinə döndülər. Onlar üçün bütün müharibə və diplomatik qaydaları mövcud deyilmiş və bununla da Ermənistanın kürkünə birə saldılar.

Bütün oğulları kimi Azərbaycan bu iki qorxmaz oğlunun da qayğısına qalacaqdır. Şübhəm yoxdur ki, dövlətimizin gücünü bu məsələdə də görəcəyik”.

AzVision.az