AzVision.az-ın komitənin saytına istinadən məlumatına görə, dəfələrlə xəbərdarlıq edilməsinə baxmayaraq, bəzi işbazlar yenə də xarici ölkələrdən əzici-vurucu, habelə kəsici-deşici xassəyə malik, istifadəsi insan sağlamlığına ciddi təhlükə törədən mülki dövriyyəsi qadağan edilən vasitələrin - soyuq silahların qanunsuz yollarla ölkəmizə gətirilməsinə cəhd göstərirlər. Lakin həyata keçirilən tədbirlər nəticəsində ölkənin gömrük orqanları bu kimi halların qarşısını qətiyyətlə alırlar.
Son günlər Hava Nəqliyyatında Baş Gömrük İdarəsinin əməkdaşları tərəfindən bu kimi bir neçə fakt aşkar edilib. Daha bir fakt isə Doha-Bakı aviareysi ilə Heydər Əliyev Beynəlxalq Hava Limanına daxil olan Azərbaycan vətəndaşı Ramiz Hüseynovun baqajına gömrük baxışı zamanı qeydə alınıb.
Belə ki, vətəndaş R. Hüseynovun baqajına rentgen aparatı vasitəsi ilə baxış keçirilərkən monitorda bıçaq təsvirləri əks olunub. Bununla əlaqədar, Hava Nəqliyyatında Baş Gömrük İdarəsinin əməkdaşları baqaja təkrar baxış keçirib və nəticədə R. Hüseynova məxsus çamadandan gömrük nəzarətinə təqdim edilməyən 2 ədəd bıçaq aşkar olunub.
Ədliyyə Nazirliyi Məhkəmə Ekspertizası Mərkəzinin arayışına əsasən, 2 ədəd bıçaq - zavod üsulu ilə istehsal edilib, bir tərəfi kəsici, ucu deşici xassəyə malik olan, ümumi təyinatlı ov bıçaqlarıdır, soyuq silah hesab edilir və istifadəyə yararlıdır.
Faktla bağlı təhqiqat aparılır.
Üzərindən soyuq silah tapıldı
11 Oktyabr 2014
Oxunub:2298
Dövlət Gömrük Komitəsi ölkəmizə mülki dövriyyəsi qadağan edilən soyuq silahların gətirilməsinin qarşısını almaqda davam edir.
Teqlər:
Vaxtında, Aydın, Lazımlı!
-1782716528.jpg&h=190&w=280&zc=1&q=100)
-1782727082.jpg&h=190&w=280&zc=1&q=100)
-1782202883.jpg&h=120&w=187&zc=1&q=70')
