Daha 4 nəfərin namizədliyi təsdiq edildi

  14 Fevral 2018    Oxunub : 2236
Daha 4 nəfərin namizədliyi təsdiq edildi

Mərkəzi Seçki Komissiyası (MSK) bu gün keçirilən iclasında daha 4 nəfərin prezidentliyə namizədliyinin irəli sürülməsini təsdiqləyib.

İclasda prezidentliyə namizədliyi özü tərəfindən irəli sürülmüş Anar Umudovun, Liberal Demokratik Partiyası tərəfindən namizədliyi irəli sürülmüş Fuad Əliyev, namizədliyi özü tərəfindən irəli sürülmüş Tural Abbaslı, namizədliyi özü tərəfindən irəli sürülmüş Zahid Orucun namizədliyinin təsdiq edilməsi məsələsinə baxılıb və təsdiq edilib.

Daha sonra Yeni Azərbaycan Partiyasının (YAP) səlahiyyətli nümayəndələrinin qeydə alınması məsələsinə baxılıb və Əli Əhmədov, Mübariz QurbanlıSiyavuş Novruzov YAP-ın seçkilərdə səlahiyyətli nümayəndələri kimi təsdiq olunub.

Qeyd edək ki, bu il aprelin 11-də Azərbaycanda prezident seçkiləri keçiriləcək.

Elvin Abdulqədirov
AzVision.az

Teqlər: MSK   Seçki   Namizədliyi