YPX əməkdaşları yollarda nəzarəti gücləndirib

  20 Mart 2019    Oxunub : 1625
YPX əməkdaşları yollarda nəzarəti gücləndirib
Novruz bayramı münasibətilə Bakıdan rayonlara gedən sərnişinlərin təhlükəsiz şəkildə mənzil başına çatması üçün bu gün ekoloji nəzarət bölüyünün əməkdaşları, DANX və BBAK birgə tədbir keçirib.
Azvision.az xəbər verir ki, tədbir zamanı sərnişinlə dolu avtobuslar xəttə çıxmazdan əvvəl saxlanılıb. Onların sənədləri yoxlanılıb. Sürücülərə tövsiyyələr verilib, yol hərəkəti qaydalarına əməl etmələrinin vacibliyini qeyd olunub. Eyni zamanda hava şəraitini nəzərə almaları ilə bağlı söhbətlər aparılıb.

Baş Dövlət Yol Polisi İdarəsi tərəfindən hazırlanmış bukletlər sürücülərə verilib. Avtovağzal ərazisində təxminən 100-ə yaxın sürücü ilə maarifləndirici söhbətlər aparan YPX əməkdaşları yollarda da nəzarəti gücləndiriblər.

Aytən Zəhra
Azvision.az

Teqlər: DANX   Sürücü