Xəzərdə dalğanın hündürlüyü 3,2 metrə çatıb

  05 İyun 2020    Oxunub : 3432
 Xəzərdə dalğanın hündürlüyü 3,2 metrə çatıb
Azərbaycanda müşahidə olunan faktiki hava şəraiti açıqlanıb.
Milli Hidrometeorologiya Xidmətindən Azvision.az -a bildirilib ki, 5 iyun saat 20:00-а olan məlumata əsasən, Şəmkir, Tərtər, ZaqatalaBərdəyə yağış yağıb.

Tərtər rayonu Qarağacı kəndinə saat 16:05-16:10 radələrində diametri 1,2-1,5 mm, Tovuz rayonunun Haçıqaya kəndinə saat 16:30 radələrində, Gədəbəy rayonunun Xarxar, Samanlı və Zəhmət kəndlərinə isə saat 16:40 radələrində xırda dənəli dolu düşüb.

Şimal-qərb küləyi Naftalan, Gəncədə 24 m/s, Tovuzda 23 m/s, Bakıda və Abşeron yarımadasında: Bakıda 23m/s, Maştağa, Qum adasında 20 m/s, Sumqayıt, Binə, Çilov adası, Zabrat, Neft Daşlarında 17 m/s- dək güclənib.

Neft Daşları stansiyasının məlumatına görə, dalğanın hündürlüyü 3,2 metrə çatıb.

Azvision.az

Teqlər: Hava