Yol polisindən sürücülərə yeni xəbərdarlıq

Yol polisindən sürücülərə yeni xəbərdarlıq
  04 Fevral 2014    Oxunub:1159
Bakı Dövlət Yol Polisi İdarəsi (BDYPİ) qarlı hava şəraiti ilə bağlı sürücülərə müraciət edib. BDYPİ ictimai qurumlarla əlaqə bölməsinin rəisi, polis polkovnik-leytenantı Vaqif Əsədov anspress-ə bildirib ki, qarlı və şaxtalı hava şəraitində yollarda sürüşmə ehtimalı artdığı üçün sürücülər avtomobillərini sürərkən ehtiyatlı olmalıdırlar. O, qeyd edib ki, sürücülər belə hava şəraitində şəxsi avtomobillərdən istifadə etməməlidirlər və daha çox ictimai nəqliyyata üstünlük verməlidirlər:

“Sürücülərə məsləhətim budur ki, xüsusilə belə hava şəraitində istismar edilən nəqliyyat vasitəsi texniki cəhətdən saz olmalıdır. Təkərlər isə mövsümlük olmalıdır. Belə hava şəraitində enişli-yoxuşlu yollarda avtomobillərin idarə edilməsi, dayandırılması hərəkətə gətirilməsi və istismar edilməsi nəqliyyat vasitəsinin ötürmələr qutusu ilə həyata keçirilməlidir. İstər avtomatik, istərsə də mexaniki ötürmələr qutusu olan nəqliyyat vasitələrində sürücülər onların köməyi ilə avtomobilərini hərəkətə gətirməlidirlər və normal sürət həddi seçməlidirlər. Hava şəraitindən aslı olaraq sürət həddi seçilməlidir. Ara məsafələri normadan artıq olmalıdır”.

V.Əsədov soyuq hava şəraitində şaxtalı yollardan istifadə edən piyadalara da müraciət edib. O, piyadalar təyin olunan ərazilərdə hərəkət etməyə səsləyib. "Səkilərlərlə gedib-gəlsinlər.Yolların hərəkət hissəsinə çıxmaq hər an sürüşmək deməkdir”.

Polkovnik-leytenantınu valideynlər isə soyuq və şaxtalı hava şəraitində az yaşlı uşaqlarını qapalı şəraitdə nəzarət altında saxlamalı olduğunu da qeyd edib.

AzVision.az


Teqlər:  





Xəbər lenti