Universitetdən intihar edən tələbə ilə bağlı açıqlama

  14 Fevral 2021    Oxunub : 2050
Universitetdən intihar edən tələbə ilə bağlı açıqlama
Bu gün Ağcabədi Pedaqoji Kollecinin Tələbə Gənclər Təşkilatının (TGT) sədri Ramil Axundov intihar edib. Gəncin hansı səbəbdən həyatına qəsd etməsi hələlik məlum deyil.
Hadisə ilə bağlı KİV-də yayılan məlumatlarda onun Azərbaycan Dövlət Pedaqoji Universitetinin (ADPU) Ağcabədi filialının tələbəsi və filialın TGT sədri olması qeyd edilib.

Məsələ ilə bağlı Azvision.az -a açıqlama verən ADPU-nun Sosial və humanitar məsələlər üzrə prorektorluğunun əməkdaşı Cavid Hüseynov bildirib ki, yayılan məlumatlar əsassızdır və gənc ADPU-nun Ağcabədi filialının yox, Ağcabədi Pedaqoji Kollecinin tələbəsi, həmin kollecin TGT sədri olub:

"Hazırda ADPU-nun Ağcabədi filialının TGT sədri postu sabiq sədr Eltac Fərzəliyev 2020-ci ilin iyulunda təhsilini bitirib həqiqi hərbi xidmətə yollanandan sonra hələ ki, boşdur".

Azvision.az

Teqlər: İntihar