Naxçıvanda qazilərə xüsusi səhiyyə xidməti göstərilib

  16 Fevral 2021    Oxunub : 1136
Naxçıvanda qazilərə xüsusi səhiyyə xidməti göstərilib
Muxtar respublikada Vətən müharibəsində iştirak edən və yaralanan hərbçilərimizin müalicəsi, onlara yüksək səviyyədə səhiyyə xidmətinin göstərilməsi diqqətdə saxlanılır.
Azvision.az xəbər verir ki, bu məqsədlə Naxçıvan Muxtar Respublika Xəstəxanasının kollektivi növbəti dəfə Babək rayonundan olan qazilərimizin səhhəti ilə maraqlanıb. Aksiya çərçivəsində yaralı hərbi qulluqçularımıza müxtəlif ixtisaslı həkimlər tərəfindən səhiyyə xidməti göstərilib.

Vətən müharibəsi qaziləri onlara göstərilən qayğıya görə minnətdarlıqlarını bildiriblər.



Qeyd edək ki, Naxçıvan Muxtar Respublikası Səhiyyə Nazirliyində şəhid ailələrinə, Vətən müharibəsi qazilərinə və onların ailə üzvlərinə göstəriləcək səhiyyə xidmətinin keyfiyyətinə nəzarətin təmin edilməsi üçün komissiya yaradılıb. Komissiyanın təşkilatçılığı ilə növbəti aksiya Ordubad rayonunda keçiriləcək.

Azvision.az

Teqlər: Naxçıvan   Qazi   Səhiyyə   Xidmət