Şəmkir sakini qonşusunu güləllədi

  15 Mart 2014    Oxunub : 536
Şəmkir sakini qonşusunu güləllədi
Bu gün səhər saatlarında Şəmkirdə qətl hadisəsi baş verib. AzVision.az Kəpəz TV-yə istinadən xəbər verir ki, rayonun Qapanlı kənd sakinləri 50 yaşlıTelman Əliyevlə 61 yaşlı Fədail Qurbanov arasında şəxsi münaqişə zəminində mübahisə yaranıb.

Bu zaman qonşu olan kənd sakinlərindən Telman Əliyev şəxsi istifadəsində olan ov tüfəngi ilə Fədail Qurbanova atəş açıb. Sinəsindən ağır yara alan Fədail Qurbanov hadisə yerindəcə keçinib.

Qətli törədən Telman Əliyev isə silahla birgə rayon polis şöbəsinə gələrək könüllü şəkildə təslim olub. Faktla bağlı Şəmkir rayon Prokurorluğunda cinayət işi açılıb. İstintaq aparılır.

Teqlər: