Xalqımızın ən əziz bayramlarından olan Novruz Yevlaxda da böyük təntənə ilə qeyd olunub.
AzVision.az AzərTAc - a istinadən xəbər verir ki, şəhərin mərkəzi meydanda keçirilən ümumxalq şənliyində minlərlə yevlaxlı iştirak edib.
Tədbirdə çıxış edənlər yevlaxlıları bayram münasibətilə təbrik etmiş, onlara cansağlığı və xoşbəxtlik arzulayıblar. Rayonun ictimai-mədəni həyatında, tikinti-quruculuq işlərində fəal iştirak edənlərə hədiyyələr və bayram sovqatları təqdim edilib.
Milli geyimli atlılar meydana daxil olaraq bayram tonqalını yandırmışlar. Şənlikdə adət-ənənələrimiz, folklor nümunələrimiz, milli xörək və şirniyyatlar, qədim məişət əşyalar nümayiş etdirilib.
Dədə Qorqud və Bahar qızı tədbir iştirakçılarını təbrik edərək onlara bol ruzi və əmin-əmanlıq arzulamış, Novruzun personajları olan Kosa və Keçəl məzəli oyunları, zarafatları ilə tamaşaçıları əyləndiriblər.
Bayram şənliyində ifa olunan rəqslər, rəngarəng musiqi nömrələri tədbir iştirakçılarında xoş ovqat yaradıb.
Yevlaxda Novruz şənliyi
21 Mart 2014
Oxunub:1020
Novruz bayramı Yevlaxda böyük təntənə ilə qeyd olundu.
Teqlər:
Vaxtında, Aydın, Lazımlı!
-1708596417.jpg&h=200&w=200&zc=2&q=70)
