Korrupsiyaya qarşı konfrans keçiriləcək

Korrupsiyaya qarşı konfrans keçiriləcək
  09 Aprel 2014    Oxunub:869
Milli Məclisin nümayəndə heyəti aprelin 9-dan -12-dək Vyanada (Avstiya) səfərdə olacaq.
Səfərdə iştirak edəcək nümayəndə heyətinin üzvü, millət vəkili Çingiz Qənizadə AzVision.az-a bildirib ki, nümayəndə heyəti AŞPA-nın Korrupsiya Əleyhinə Dövlət Qrupunun (GRECO) 4-cü dövr dəyərləndirmələri üzrə konfransında iştirak edəcək.

Konfransda Avropa Şurası Baş katibinin müavini, Avropa İttifaqının Daxili İşlər komissarı, səkkiz ölkənin ədliyyə naziri, bir ölkənin ali məhkəməsinin sədri və digər səlahiyyətli təşkilatların rəsmiləri iştirak edəcəklər.

Korrupsiyaya qarşı mübarizəyə həsr olunan bu beynəlxalq konfransda Milli Məclisin nümayəndə heyəti ilə yanaşı, Baş Prokurorluğun nümayəndələri də iştirak edəcək.

- Azərbaycan nümayəndə heyətinin bu cür tədbirlərdə iştirakını müsbət dəyərləndirir, ölkə prezidenti cənab İlham Əliyevin rüşvət və korrupsiyaya qarşı ortaya qoyduğu siyasi mövqeyinin həyata keçirilməsində beynəlxalq təcrübədən yararlanmağın vacib şərtlərdən biri olduğunu qeyd etmək istəyirəm. Onu da qeyd edim ki, rüşvət və korrupsiyaya qarşı mübarizə təkcə inzibati metodlar, həbslərlə həyata keçirilə bilməz. Rüşvət və korrupsiyanı yaradan səbəblər və şərait də aradan qaldırılmalıdır. Ölkəmizdə ASAN Xidmətin yaradılması, “Elektron məhkəmə” informasiya sisteminə keçid bunun bariz nümunəsidir,- deyə Çingiz Qənizadə bildirib.


Teqlər:  





Xəbər lenti