İrəvanda yeni qalmaqal: Müharibə əlillərinin sayı 1498-dən 1243-ə salındı

İrəvanda yeni qalmaqal: Müharibə əlillərinin sayı 1498-dən 1243-ə salındı
  12 İyul 2022    Oxunub:1298
Ermənistanda 44 günlük müharibənin 1243 iştirakçısı döyüşlərdən sonra əlil olub. AzVision.az xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.
Ermənistanda müharibə iştirakçılarının fotoları yandırıldı - FOTOLAR
Qeyd edilir ki, müharibədən sonra 1498 nəfərə əlillik qrupu təyin edilmişdisə, təkrar müayinələr nəticəsində onların sayı 1243 nəfərə enib. Bundan başqa, 112 nəfər I, 244 nəfər II, 887 nəfər III qrup əlillik alıb.

Qeyd edək ki, ötən gün 37 yaşlı Aram Kələntəryan sosial şəbəkədəki səhifəsində əlillik dərəcələrinin verilməsi ilə bağlı problem qaldırıb ki, bu da ölkə mediasında qızğın müzakirələrə səbəb olub. O, 44 günlük Qarabağ müharibəsi nəticəsində ayağını itirib. Əvvəlcə ona aylıq kompensasiya ödənilməklə ikinci dərəcəli əlillik dərəcəsi təyin edilib. Bu yaxınlarda isə Kələntəryan üçüncü dərəcəli əlillik dərəcəsinə layiq görülüb və nəticədə o, Hərbi Sığorta Fondundan maliyyə dəstəyini itirib.

Bu olaya cavab olaraq Ermənistanın əmək və sosial məsələlər naziri Narek Mkrtçyan vəziyyətlə tanış olduğunu deyib. Eyni zamanda, o vurğulayıb ki, əlillik qrupu müəyyən edilərkən müəyyən müddət var ki, hərbi qulluqçu təkrar müayinədən keçməlidir. Müayinənin nəticəsi qeyri-qənaətbəxş olarsa, vətəndaşlar ikinci ekspertiza üçün müraciət edə bilərlər. Bu kifayət etməsə, nazirliyə müraciət edə, sonra isə qərardan məhkəməyə şikayət edə bilərlər.

Tural Tağıyev
AzVision.az



Teqlər:   Ermənistan   Əlil  





Xəbər lenti


Azvision.az ©2014 | Bütün hüquqları qorunur