Taxıl gəmisi yoxlandıqdan sonra Livana yola düşüb

Taxıl gəmisi yoxlandıqdan sonra Livana yola düşüb
  03 Avqust 2022    Oxunub:991
Odessa limanından Ukrayna taxılı daşıyan ilk gəmi yoxlanıldıqdan sonra Livana yola düşüb.
AzVision.az xarici mətbuata istinadən xəbər verir ki, "Taxıl sazişi" razılaşması əsasında Ukraynadan 26 527 ton taxıl daşıyan ilk gəmi yoxlanıldıqdan və təsdiqləndikdən sonra Bosfor boğazından keçərək Livana yola düşüb.

Türkiyə Müdafiə Nazirliyinin verdiyi məlumata görə, aralarında Ukrayna, Rusiya, Türkiyə və BMT rəsmiləri olduğu təftiş qrupu qarğıdalı daşıyan və İstanbul yaxınlığında lövbər salmış Sierra Leone bayraqlı Razoni gəmisində yoxlamalar aparmaq üçün təxminən 90 dəqiqə vaxt sərf edib. Türkiyə mediası 20-yə yoxlama yerində yaxın müfəttişin olduğunu bildirib.

Ukraynanın İnfrastruktur Nazirliyi gəminin yoxlamadan keçdiyini təsdiqləyib və daha 17 gəminin yükləndiyini və yola düşmək üçün icazə gözlədiyini vurğulayıb.









AzVision.az


Teqlər:



Xəbər lenti


Azvision.az ©2014 | Bütün hüquqları qorunur