Ermənistanda silahlı şəxs meriya binasına daxil olub

   Ermənistanda silahlı şəxs meriya binasına daxil olub
  19 Avqust 2022    Oxunub:539
Ermənistanda Qumbara və tapança ilə silahlanmış naməlum şəxs Masis şəhərinin meriyasına daxil olub. Bu məlumatı "Sputnik Ermənistan"a Masis şəhərinin vitse-meri Norayr Akopyan təsdiqləyib.
"Təxminən iki saat əvvəl sərxoş vətəndaş meriyanın binasına daxil olub. Bundan sonra partlayış olub. Xoşbəxtlikdən binada heç bir işçi olmayıb, meriyanın mühafizəçisi də xəsarət almayıb. O, hazırda bizimlədir",- Akopyan bildirib.

İlkin məlumata görə, şəxs tapançadan bir neçə dəfə atəş açıb. Onun hələ də qumbarasının ola biləcəyi güman edilir.

Vitse-mer qeyd edib ki, vətəndaş heç bir tələb irəli sürməyib, onun hərəkətlərinin motivləri aydın deyil. Onun şəxsiyyəti də müəyyən edilməyib. Hazırda partlayış və ya atəş səsləri eşidilmir.

Hadisə yerində polis, MTX və xüsusi təyinatlılar var.

Şahanə Rəhimli

Teqlər:







Xəbər lenti