Bavariyanın Baş naziri kansleri tənqid etdi

   Bavariyanın Baş naziri kansleri tənqid etdi
  03 Sentyabr 2022    Oxunub:766
Bavariyanın Baş naziri Markus Zeder Almaniyada enerji böhranı səbəbindən əhalinin bütün təbəqələrinin həyat səviyyəsinin aşağı düşə biləcəyini, eləcə də iflas dalğasının yarana biləcəyini bildirib.
Bu barədə o, Almaniyanın “Bild” qəzetinə müsahibəsində danışıb. Zeder etiraf edib ki, Almaniya kansleri Olaf Şolts və iqtisadiyyat naziri Robert Habekin Rusiyadan qaza alternativ tapmaq məqsədilə həyata keçirdiyi xarici səfərlərinin heç biri uğurlu olmayıb, Almaniyada qalan 3 atom elektrik stansiyasının fəaliyyətinin uzadılması ilə bağlı qərar da hələ qəbul edilməyib.

“Effektiv yardım tədbirləri paketi olmadığı üçün əhalinin bütün təbəqələrinin həyat səviyyəsi təhlükə altındadır və orta təbəqə üçün iflas dalğası təhlükəsi yaranır”.

Bavariyanın Baş naziri onu da qeyd edib ki, Şoltsun Almaniyanın qışa yaxşı hazırlaşdığına dair iddiasının nəyə əsaslandığını bilmir.

AzVision.az



Teqlər:



Xəbər lenti