KTMT missiyası İrəvanda Qriqoryanla görüş keçirir
“Kollektiv Təhlükəsizlik Müqaviləsi Təşkilatının baş katibi Stanislav Zasın rəhbərliyi ilə KTMT missiyası İrəvanda öz işinə başlayıb.Ermənistan Respublikası Təhlükəsizlik Şurasının katibi Armen Qriqoryanla görüş keçirilir”,- deyə təşkilatdan bildirilib.
Baş katibin rəhbərlik etdiyi KTMT missiyası təşkilatın Kollektiv Təhlükəsizlik Şurasının növbədənkənar iclasının qərarına əsasən çərşənbə axşamı Ermənistana gəlib.
Missiyanın qarşısında mövcud vəziyyəti qiymətləndirmək, KTMT-yə üzv dövlətlərin rəhbərlərinə regiondakı vəziyyətlə bağlı hesabat hazırlamaq və Ermənistan-Azərbaycan sərhədində müəyyən ərazilərdə gərginliyin azaldılması üçün təkliflər hazırlamaq vəzifəsi durur.
Bazar ertəsi KTMT-nin Birləşmiş Qərargahının rəhbəri, general-polkovnik Anatoli Sidorovun rəhbərlik etdiyi təşkilatın missiyasının qabaqcıl qrupu Ermənistanda işini başa çatdırıb.
Şahanə Rəhimli
AzVision.az
Teqlər:







Vaxtında, Aydın, Lazımlı!


