Döyüşə məmurlar gedir - Rusiyada qəsəbə rəhbərinə çağırış vərəqəsi gəldi

Döyüşə məmurlar gedir - Rusiyada qəsəbə rəhbərinə çağırış vərəqəsi gəldi
  29 Sentyabr 2022    Oxunub:868
Rusiyanın Zabaykal diyarının "Badinskoye" qəsəbəsinin rəhbəri Sergey Verxoturova müharibəyə çağırış vərəqəsi gəlib. AzVision.az xəbər verir ki, onun səfərbərliyə cəlb olunması sentyabrın 27-də Xilokski rayonu Hərbi Komissarlığında qohumları və dostları tərəfindən təntənəli şəkildə qeyd olunub.
“Mənim keçmiş hərbçi kimi evdə oturub başqa adamları xüsusi hərbi əməliyyatlara göndərməyim bağışlanmazdır. Mən də getməsəm, vətəni başqa kim müdafiə edəcək?”, – Sergey səfərbərliyə cəlb olunmasıyla bağlı deyib.

Səfərbərliyə alınan rusun ürəyi partlayıb öldü - VİDEO
Məmurun qohumları, dostları və həmkarları ona evə sağ-salamat qayıtmağı, qələbə ilə dönməyi arzulayıblar.

“Bəli, bu gün biz ölkəmizi müdafiə etmək üçün ən yaxşı oğlanlarımızı göndəririk. Ağır günlərdir, çətin qərarlar verilir. Ancaq məhz belə ağır zamanlar əsl kişiləri doğurur", - Xilokski rayonunun rəhbəri Konstantin Serov həmkarını yola salarkən qeyd edib.

Xatırladaq ki, sentyabrın 21-də Rusiya prezidenti Vladimir Putin ölkənin ehtiyat qoşunlarının Ukrayna ilə müharibəyə səfərbər olunduğunu elan etdi. 300 min insanın mərhələlli şəkildə qismən səfərbərliyə cəlb olunacağı gözlənilir.

Ukrayna Silahlı Qüvvələrinin Baş Qərargahının məlumatına görə, rusların səfərbərliyindən sonra gələn hərbi komandanlıq onları hazırlıqsız təmas xəttindəki bölmələrə göndərir.

Tural Tağıyev
AzVision.az



Teqlər:   Rusiya   Səfərbərlik  





Xəbər lenti


Azvision.az ©2014 | Bütün hüquqları qorunur