Rusiya sanksiyalar tətbiq edən ölkələrin şirkətlərinə qadağa qoyub

Rusiya sanksiyalar tətbiq edən ölkələrin şirkətlərinə qadağa  qoyub
  01 Oktyabr 2022    Oxunub:763
Rəsmi Moskva Rusiyaya qarşı nəqliyyat məhdudiyyətləri tətbiq edən ölkələrin şirkətləri tərəfindən malların daşınmasına qadağa tətbiq edib.
AzVision.az xəbər verir ki, müvafiq qərarı Rusiya Federasiyası hökumətinin başçısı Mixail Mişustin imzalayıb.

Sənəd hüquqi informasiyanın rəsmi internet portalında dərc olunub.

Qərar ölkənin vətəndaşlarına və hüquqi şəxslərinə qarşı nəqliyyat sahəsində məhdudlaşdırıcı tədbirlər tətbiq edən xarici daşıyıcılara məxsus, habelə xaricdə qeydiyyatda olan yük nəqliyyat vasitələri ilə Rusiyanın ərazisindən beynəlxalq yük daşımalarına qadağa qoyur.

Qadağa ikitərəfli və tranzit daşımalara, habelə üçüncü dövlətin ərazisindən və ya ərazisinə daşınmalara şamil edilir.

Sənəd oktyabrın 10-dan qüvvəyə minir və 2022-ci il dekabrın 31-dək qüvvədə olacaq.

AzVision.az



Teqlər: Rusiya   Sanksiyalar  





Xəbər lenti