Bu barədə AzVision.az -a açıqlama verən Quba Rayon mərkəzi Xəstəxanasının baş həkimi Əliyar Səfərov bildirib ki, 17.10.2022-ci il tarixində saat 01:30-da təcili tibbi yardım avtomobili ilə 1981-ci il təvəllüdlü 34-35 həftəlik hamilə olan Q.P. Quba Rayon Mərkəzi Xəstəxanasının nəzdində olan Quba Regional Perinatal Mərkəzinə yerləşdirilib.
"Pasiyent tibb müəssisəsinə daxil olarkən kritik ağır - aqonal vəziyyətdə olub.
Mərkəzin Qəbul bölməsinə yerləşdirilən xəstəyə həkim heyəti tərəfindən ilkin tibbi yardım göstərilib. İlkin müdaxilə zamanı pasiyentdə hemorragik şok, uşaqlığın çapığının cırılması və onun bətnində ölü döl olduğu məlum olub.
Pasiyentə göstərilən bütün tibbi xidmətlərə baxmayaraq, onun həyatını xilas etmək mümkün olmayıb".
Hazırda faktla bağlı hüquq-mühafizə orqanları tərəfindən araşdırma aparılır.
Aytən Zəhra
AzVision.az
Qubada ana və köpə ölümünün səbəbi açıqlandı
17 Oktyabr 2022
Oxunub:961
Qubada doğuş zamanı ana və körpə ölümü qeydə alınıb.
Teqlər:
Vaxtında, Aydın, Lazımlı!
