Pakistanda terror: 2 ölü, 24 yaralı

      Pakistanda terror:    2 ölü, 24 yaralı
  30 Noyabr 2022    Oxunub:311
Pakistanın Bəlucistan əyalətinin Kvetta şəhərində terror hücumu nəticəsində ən azı bir polis və bir yeniyetmə ölüb, əksəriyyəti polis olmaqla 24-dən çox adam yaralanıb. Bu barədə Geo telekanalı məlumat yayıb.
Polisin məlumatına görə, partlayışın hədəfi sərhəd polisinin yük maşını olub. Yaralılar şəhərin mülki xəstəxanasına çatdırılıb.

Polis maşınına hücum “Təhrik-e-Taliban Pakistan” hərəkatının Pakistan hökuməti ilə razılaşdırılmış atəşkəs rejimini ləğv etdiyini və qruplaşma döyüşçülərinə ölkə daxilində hücumlar həyata keçirməyi əmr etdiyini bildirməsindən iki gün sonra baş verib.

Müxtəlif qrupların nümayəndələrindən yaradılmış “Təhrik-e-Taliban Pakistan” Pakistan və Hindistan hökumətlərinə qarşı çıxır, öz təsirini bu dövlətlərin bir sıra ərazilərinə genişləndirməyə çalışır.

Şahanə Rəhimli
AzVision.az

Teqlər:







Xəbər lenti