"İrandan Ermənistana silah daşınmasına etiraz edən 300 güneyli həbs edilmişdi"

   "İrandan Ermənistana silah daşınmasına etiraz edən 300 güneyli həbs edilmişdi"
  30 Noyabr 2022    Oxunub:796
"BMT-də, UNESCO-da Urmiyə gölünün qurumasının qarşısının alınması üçün vəsait ayrılmasına dair məsələ qaldırıblar".
Bunu Təbriz əsilli və hazırda Fransada yaşayan azərbaycanlı tədqiqatçı, İran azərbaycanlılarının insan hüquqları müdafiəçisi, "Ərk" İnsan Haqları Komitəsinin sədri Jalə Təbrizli noyabrın 30-da "Urmu gölünün harayı" adlı tədbirdə deyib.

Onun sözlərinə görə, İran həmin vəsaiti özü üçün xərcləyib: “Ancaq gölün quruması üçün heç bir vəsait xərcləmədi. Urmiyə gölünün quruması Azərbaycana qarşı ayrı-seçkilikdir. İranda bir nəfər yoxdur ki, desin ki, mən buna görə məsuliyyət daşıyıram. Hazırda gölün 95 faizi quruyub. Urmiyə gölünün ətrafında yaşayan 14 milyon insan oradan köçürülməlidir. Çünki orada xəstəliklər yayılır”.

"Ərk" İnsan Haqları Komitəsinin sədri vurğulayıb ki, İkinci Qarabağ müharibəsi zamanı İran vasitəsilə Ermənistana silahların daşınmasına etiraz edən 300 nəfər güneyli həbs edilmişdi.

AzVision.az



Teqlər:





Xəbər lenti