Amma onlar karikaturada tamamilə fərqli mövqelərdə yer alıblar. Bundan başqa nəşrin ikinci versiyası olan ABŞ "The Week"-i də karikaturasında hər iki siyasətçiyə xüsusi yer verilib.

Jurnalın ingilis versiyasında çıxan karikaturada Milad ab-havası təsvir olunub. Burada dünyanın nüfuzlu liderləri təsvir olunub ki, onların hamısı yola saldığımız ildə özlərini nəzakətli aparmasalar da, eyni masa arxasında oturublar. Liderlərin arasında Zelenski də var ki, o, Consonu qucaqlayaraq şərab içir. Aydın məsələdir ki, eyni masa arxasında oturan məşhurlar əylənirlər. Divarda isə Ukrayna bayrağı və bu il dünyasını dəyişən Kraliça II Yelizavetanın portreti asılıb.

Diqqətlə baxdıqda isə pəncərədən çöldə dayanan Putini görmək olar. O, real həyatda olduğu kimi, karikaturada da özünü tamamilə təcrid vəziyyətinə salıb. Heç kim onu bayram süfrəsinə dəvət etmək istəməyib. Bir sözlə Rusiya lideri hər şeyi pəncərədən izləyir. Müəllif bununla yanaşı Putini başqa bir diqqət çəkən detalla da təqdim edib. Kreml rəhbəri göy və sarı rəngli şərflə papaq taxmış qar adamını təpikləyərək məhv edir. Görünür karikaturada Putinin Ukraynaya aid hər şeyi məhv etməsi mesajı verilib. Xüsusilə də, ukraynalı uşaqların arzuları və həyatları.

Jurnalın Amerika versiyasının üz qabığı da diqqət çəkib.

Karikaturanın arxa planında rus ordusu tərəfindən dağıdılan binanı görmək olar. Çürümüş və ya qopmuş bir ağacda isə Putinin portreti təsvir olunub. Bu əslində axtarışa verilmə elanıdır. Rusiya rəhbərinin üzündə qanlı əl də təsvir olunub. Maraqlıdır ki, ondan da arxa planda daha bir qalmaqallı siyasətçiyə aid siyasi mesaj var. Bu isə uzaqlarda itib batan qəzəbli Tramp və yerə düşən Rusiya raketinə baxıb şübhəli şəkildə düşünən Si Cin Pindir. Karikaturanın ən diqqət çəkən tərəfi ön planda göstərilən mənzərədir. Burada Zelenski Baydenlə əlində şam və küçə fənərini tutaraq Milad mahnısı oxuyur.

Tural Tağıyev
AzVision.az