Xankəndidə insident - Sülhməramlılar aksiya keçirən erməniləri təhqir etdilər

Xankəndidə insident - Sülhməramlılar aksiya keçirən erməniləri təhqir etdilər
  27 Dekabr 2022    Oxunub:2188
Bu gün bir qrup erməni Xankəndi hava limanı yaxınlığında etiraz aksiyası keçirib. AzVision.az xəbər verir ki, bu barədə "Mamul" saytı məlumat yayıb.
Məlumata görə, Rusiya sülhməramlılarının ərazidə olan şəxsi heyətinin 2 zabiti strateji obyektin ətrafında təxribatçıların yığılmasından sonra onlara yaxınlaşıb. Nəşr yazır ki, ruslar separatçılarla kobud tonda danışıblar. Bu isə ermənilərin narazılığın səbəb olub.

İrəvan erməniləri dəhlizdə təxribat üçün yola çıxdılar - VİDEO
"Zabitlər kobudcasına etirazçılardan ərazini tərk etməyi tələb ediblər. Aksiya iştirakçıları da onlara qarşı eyni münasibət göstəriblər, ruslara deyiblər ki, bu davranışı gedib qarşı tərəfdə göstərsinlər", - erməni saytı yazıb.

Müəllif insidentlə bağlı Xankəndidə fəaliyyət göstərən qondarma partiyalardan birinin rəhbəri Tiqran Petrosyandan da açıqlama alıb. İnsident zamanı ruslarla dialoqda iştirak edən Petrosyan deyib ki, bu cür güc nümayişi anormal davranış olub: "Onlara dedik ki, 15 ekoloqun problemlərini həll edə bilmirlər. Biz isə dinc aksiya keçiririk. Nədir, indi bizə qarşı güc tətbiq edirsiniz?".

Xatırladaq ki, bu gün səhər "partiya rəhbəri" olan təxribatçı Petrosyan insanları saat 15:00-dan etibarən bir yerə toplayaraq Xankəndi hava limanına etiraz aksiyası üçün aparacağını bəyan etmişdi. Məqsəd Rusiya sülhməramlı kontingentinin komandanı Andrey Volkovla görüşmək olub..

Tural Tağıyev
AzVision.az



Teqlər:   Sülhməramlı   Aksiya   Xankəndi  





Xəbər lenti


Azvision.az ©2014 | Bütün hüquqları qorunur