Rusiyadan qayıdan Simonyanı hava limanındaca həbs etdilər

Rusiyadan qayıdan Simonyanı hava limanındaca həbs etdilər
  14 Yanvar 2023    Oxunub:1019
Ermənistanda müəmmalı və diqqət çəkən həbs dalğası davam edir. AzVision.az xəbər verir ki, daşnakların saxlanılmasının ardınca bu gün Tatev icmasının keçmiş rəhbəri Murad Simonyan da həbs edilib.
Bu barədə kriminal xəbər saytı "Shamshiyan" məlumat yayıb. Qeyd edilir ki, o, Zvartnots Beynəlxalq Hava Limanındaca əli qandallanaraq birbaşa Daxili İşlər Nazirliyinə aparılıb.

"Daşnak əməliyyatı" davam edir - Daha bir radikal saxlanıldı
"Əldə etdiyimiz məlumata görə, yanvarın 13-də Zəngəzur vilayətinin Tatev şəhərinin keçmiş meri Murad Simonyan Rusiya Federasiyasından Ermənistana qayıdıb. Onun barəsində Ermənistan İstintaq Komitəsinin Zəngəzurdakı istintaq şöbəsində bir neçə cinayət işi başlanıb. Bu səbəbdən də eks-mer axtarışda olub.

Dünən o, 1862 saylı Moskva-Yerevan reysi ilə “Zvartnots” beynəlxalq hava limanından Daxili İşlər Nazirliyinin Baş Cinayət İdarəsinə aparılıb. Burada o, Ermənistan Respublikasının Daxili İşlər Nazirliyinin Gorus İdarəsinin əməkdaşlarına təhvil verilib. Simonyana qarşı məhkəmə qərarı ilə həbs qətimkan tədbiri seçilib", - nəşr yazıb.

Qeyd edək ki, İrəvan bir neçə gündür qalmaqallı həbslər həyata keçirir. Hüquq-mühafizə xidmətinin əməkdaşları müxalif “Daşnaksütyun” partiyası üzvlərinin evlərində axtarışlar apararaq radikal fəalları həbs edirlər.

Tural Tağıyev
AzVision.az



Teqlər:   Ermənistan   Həbs   Mer  





Xəbər lenti


Azvision.az ©2014 | Bütün hüquqları qorunur