Azərbaycan hərbçiləri Qarsda keçirilən “Qış-2023” təlimində - FOTOLAR

   Azərbaycan hərbçiləri Qarsda keçirilən “Qış-2023” təlimində -    FOTOLAR
  28 Yanvar 2023    Oxunub:725
Türkiyə Silahlı Qüvvələrinin təşkil etdiyi, Cümhuriyyət tarixinin ən böyük iştirakçı sayı ilə keçirilən “Qış Təlimi-2023” Qarsda davam edir. Təlimdə Almaniya, İtaliya, Azərbaycan, Qazaxıstan və İngiltərə də daxil olmaqla 17 ölkədən şəxsi heyət iştirak edir.
Havanın temperaturunun -18 dərəcə şaxta olduğu şəhərdə 1758 şəxsi heyətin iştirakı ilə keçirilən təlimdə 43 müxtəlif tipli 651 nəqliyyat vasitəsi, 23 müxtəlif tipli və 865 müxtəlif çaplı topdan istifadə edilir.

14-cü Mexanikləşdirilmiş Piyada Briqada Komandanlığında təşkil edilən mətbuat konfransında Hava Hücumundan Müdafiə Kapitanı Əhməd Adıyaman təlim barədə məlumat verib.

Təlim bölgəsinə aparılan jurnalistlərə təlimin komanda mərkəzi göstərildikdən sonra, Bosniya və Herseqovina, Qazaxıstan, Kosovo, Özbəkistan və Azərbaycandan olan komandirlərin də olduğu vəziyyətin qiymətləndirilməsi aparılıb.

Korpusun əsas komandanlıq məntəqəsində soyuq iqlimdə qar kamuflyajı ilə hava hücumundan müdafiədə erkən xəbərdarlıq və komanda idarəetmə sistemi tətbiq edilərkən, Türkiyə və Azərbaycan Silahlı Qüvvələrinin artilleriya bölmələri tankların saxlanması və təmizlənməsi ilə hazırlıqlarını yekunlaşdırıb.









AzVision.az


Teqlər:





Xəbər lenti