İsrail İranda xüsusi hərbi əməliyyata başlayıb - Al Arabia

   İsrail İranda xüsusi hərbi əməliyyata başlayıb -    Al Arabia
  29 Yanvar 2023    Oxunub:883
İsrail yanvarın 29-na keçən gecə İranda xüsusi hərbi əməliyyata başlayıb. Bu barədə İsrail KİV-dəki mənbələrinə istinadən “Al Arabia” məlumat yayıb.
"İsrail mediası İran daxilində əməliyyat barədə məlumat yayıb və onun vaxtını Mərkəzi Kəşfiyyat İdarəsinin rəhbərinin Təl-Əvivə səfəri ilə əlaqələndirib", - məlumatda deyilir.

Lakin İsrail hökuməti İrana qarşı hərbi əməliyyatların başlanması ilə bağlı məlumatı rəsmən təsdiqləməyib.

Nəşr həmçinin bildirir ki, İsrail İranın Təbrizdəki pilotsuz uçan aparat zavoduna, İsfahandakı hərbi müəssisəyə və Mallarddakı sursat anbarına hücum edib. Nəşr başqa təfərrüatları təqdim etmir.

Bundan əvvəl İranın Müdafiə Nazirliyi İsfahanda sursat anbarına pilotsuz təyyarə ilə hücumu təsdiqləyib.

Bundan əvvəl İsrail prezidenti İsxak Hersoq Avropa İttifaqını İranın təmsil olunduğu qaranlıq qüvvələri ilə mübarizə aparmağa çağırıb.

Şahanə Rəhimli
AzVision.az


Teqlər:





Xəbər lenti