"Əla ordumuz var, sürətli və dəqiq cavab verəcəyik" - İsrailin baş naziri

   "Əla ordumuz var, sürətli və dəqiq cavab verəcəyik"  -    İsrailin baş naziri
  29 Yanvar 2023    Oxunub:869
"Qüdsdəki hücumlara güclü, sürətli və dəqiq cavab vəd edirik". AzVision.az xəbər verir ki, bunu İsrailin baş naziri Benyamin Netanyahu deyib.
“Kim bizə zərər vermək istəsə, biz də onlara və onlara kömək edən hər kəsə zərər verərik",- o bildirib.

Siyasətçi qeyd edib ki, İsrail münaqişəni gərginləşdirməyə çalışmır, lakin belə ssenariyə hazırdır.

Netanyahu həmçinin vətəndaşları “özbaşına mühakimə etməməyə” çağırıb. O qeyd edib ki, ölkənin əla ordusu, hökuməti və təhlükəsizlik xidmətləri var. İsrail hökumətinin başçısı deyib: "Qoy onlar öz işləri ilə məşğul olsunlar".

Yanvarın 28-də Qüdsdə atışma nəticəsində iki nəfər yaralanıb.Məlumata görə, atəş açan 13 yaşlı yeniyetmə olub.

İsrail polisi Şərqi Qüdsdə baş verən atışma hadisəsini terror aktı şübhəsi adlandırıb.

Şahanə Rəhimli
AzVision.az





Teqlər:





Xəbər lenti