"Rusiya tələsik ki, yeni hücumlar quracaq" - Litva ordusunun komandanı

"Rusiya tələsik ki, yeni hücumlar quracaq" -    Litva ordusunun komandanı
  30 Yanvar 2023    Oxunub:613
Rusiya Ukraynaya qarşı yeni hücumların təşkilinə tələsir.
AzVision.az xəbər verir ki, bunu Litva Silahlı Qüvvələrinin komandanı, general-leytenant Valdemaras Rupşis deyib. O, bu tələskənliyi onunla əlaqələndirib ki, Moskva Ukraynaya ağır zirehli texnikalar gətirilənə qədər açılmış “imkanlar pəncərəsi”ndən istifadə etmək istəyir.

Rusların yüksək rütbəli desant komandiri öldürülüb
"Guildhall"a danışan Rupşis qeyd edib ki, Rusiya maddi dəstək və logistikanın əsas rol oynadığı mərhələyə daxil olmaqla total müharibəyə keçib. Onun fikrincə, bu gün Qərb Ukraynaya geniş hərbi dəstəyin labüdlüyünü artıq dərk edib.

"İndi hətta kor adam da onların növbəti hücum dalğasına hazırlaşdıqlarını görə bilər. Ruslar yalnız o vaxtı dayana və ya planlarını dəyişə bilərlər ki, Ukraynanın kifayət qədər texnika, silah və təlim keçmiş kadrlara malik olduğunu görələr. , - Rupşis deyib.

"Əgər müharibə uzun müddət davam edərsə, o zaman hər şey resurslardan asılı olacaq" deyən general vurğulayıb ki, Rusiyanın hərbi potensialı genişdir: “Nəzərə almalıyıq ki, Rusiyanın öz ordusunu döyüş sursatı, tanklar, döyüş maşınları ilə təmin etmək üçün hər cür şərait var. Onlar döyüşə bilərlər, rusların kifayət qədər aviasiyası var”.

Rupşisin sözlərinə görə, məhz Ukraynaya ağır zirehli maşınların tədarük edilməsi müharibənin gedişində mühüm rol oynayacaq.
Tural Tağıyev
AzVision.az



Teqlər:   Rusiya  





Xəbər lenti