İsrail Ordusundan antiterror əməliyyatı: 17 terrorçu saxlanıldı

 İsrail Ordusundan antiterror əməliyyatı:    17 terrorçu saxlanıldı
  02 Fevral 2023    Oxunub:646
İsrail təhlükəsizlik qüvvələri İordan çayının qərb sahilində gecə reydləri zamanı terror fəaliyyətində iştirakda şübhəli bilinən 17 fələstinlini saxlayıb.
Bu barədə İsrail Ordusunun mətbuat xidməti məlumat yayıb. Qeyd olunub ki, İsrail Müdafiə Qüvvələri, Baş Təhlükəsizlik Xidməti və Sərhəd Polisi bu gecə İudeya və Samariyada axtarışda olan 17 şübhəlini həbs etmək üçün tədbirlər həyata keçirib.

Hebron, Nablus və Qalkilya şəhərlərində, eləcə də İordan çayının qərb sahilində bir sıra kənd və qəsəbələrdə reydlər keçirilib, bəzi bölgələrdə atəş səsləri eşidilib, qarşıdurma baş verib. Cenin şəhəri yaxınlığında naməlum şəxslər gecə saatlarında İsrail ordusunun postunu atəşə tutublar. Hərbçilər arasında xəsarət alanlar yoxdur.

İlkin Nəcəfzadə
AzVision.az


Teqlər:





Xəbər lenti