Şimali Koreya Ukraynaya hərbçilər və polis göndərəcək

   Şimali Koreya Ukraynaya hərbçilər və polis göndərəcək
  02 Fevral 2023    Oxunub:703
Şimali Koreya hakimiyyəti Rusiyada fəaliyyət göstərən ticarət şirkətlərinə Ukraynanın işğal altında olan Donetsk və Luqansk ərazilərinə bərpa işlərinə kömək edəcək "kadr"ları seçməyi tapşırıb.
Bu barədə “Daily NK” nəşri öz mənbələrinə istinadən yazıb. Qeyd olunub ki, göstərişi yanvarın 20-də KXDR Müdafiə Nazirliyinə bağlı "Cholhyon Construction" və "Kumrung Construction" şirkətləri alıb. Şirkət rəhbərliyi 19-27 yaş arası gəncləri seçməlidir. Onların əksəriyyəti evlidir, lakin ailələri Şimali Koreyada qalacaq.

Mənbənin sözlərinə görə, söhbət ondan gedir ki, birinci partiyada 300-500 nəfər gedəcək, gələcəkdə onların sayı artırıla bilər. Nəşr KXDR-in bölgəyə mülki şəxsləri deyil, hərbçiləri və ya polis əməkdaşlarını göndərəcəyini təklif edib. Qeyd olunub ki, onlar bu ilin fevral-mart aylarında Donbasda olmalıdırlar.

İlkin Nəcəfzadə
AzVision.az


Teqlər:





Xəbər lenti