Rusiyadan Kiyevə xəbərdarlıq: ""Krıma zərbələr endiriləcəyi təqdirdə danışıqlar olmayacaq"

      Rusiyadan Kiyevə xəbərdarlıq:    ""Krıma zərbələr endiriləcəyi təqdirdə danışıqlar olmayacaq"
  04 Fevral 2023    Oxunub:528
"Ukraynanın Krıma zərbələr endirəcəyi təqdirdə, danışıqlar olmayacaq. Amma Kiyevin nəzarətində olan bütün ərazilərə cavab zərbələri endiriləcək.
AzVision.az xəbər verir ki, bunu Rusiya Federasiyası Təhlükəsizlik Şurasının sədr müavini Dmitri Medvedev deyib.

"Bu halda heç bir danışıqlar olmayacaq, yalnız cavab zərbələri olacaq. Kiyevin hakimiyyəti altında qalan bütün Ukrayna yanacaq" deyən sədr müavini cavabın istənilən formada ola biləcəyini qeyd edib: “Rusiya Prezidenti bunu qəti şəkildə deyib”.

Medvedev izah edib ki, Rusiya özünə heç bir məhdudiyyət qoymur və təhdidlərin xarakterindən asılı olaraq doktrinal sənədlərə, o cümlədən Nüvə Qarşısının alınmasının Əsaslarına uyğun olaraq bütün növ silahlardan istifadə etməyə hazırdır.

“Mən sizi əmin edə bilərəm: cavab tez, sərt və inandırıcı olacaq”, - deyə siyasətçi əlavə edib.


AzVision.az


Teqlər:





Xəbər lenti