Müharibəyə başlayan Rusiyadır, İran isə ABŞ-ı qınayır

Müharibəyə başlayan Rusiyadır, İran isə ABŞ-ı qınayır
  08 Fevral 2023    Oxunub:646
İranın Ali Milli Təhlükəsizlik Şurasının katibi Əli Şamxani Rusiyanın Ukraynaya hücumu ilə bağlı anormal fikirlər səsləndirib. AzVision.az xəbər verir ki, o, Moskvada verdiyi açıqlamada Ukraynada başlamış müharibənin günahını ABŞ-ın üzərinə atıb.
Şamxani belə hesab edir ki, Kiyevin düşdüyü vəziyyət Amerika siyasətinin nəticəsidir.

"Ukraynada baş verən hadisələr ABŞ-ın Ukrayna xalqını öz məqsədlərinin qurbanına çevirən davranışlarının nəticəsidir", - İran rəsmisi Təhlükəsizlik Şurası katiblərinin Əfqanıstan üzrə iclasının açılışında deyib.

ABŞ İranın PUA istehsalçılarını qara siyahıya saldı
Xatırladaq ki, çərşənbə günü Moskvada Hindistan, İran, Qazaxıstan, Qırğızıstan, Çin, Rusiya, Tacikistan, Türkmənistan və Özbəkistan nümayəndələrinin iştirak etdiyi Əfqanıstan üzrə təhlükəsizlik şuraları katiblərinin iclası keçirilib.

Qeyd edək ki, ötən ilin avqust ayından Kiyevlə Tehran arasında soyuq münasibətlər yaranıb. Buna səbəb İranın açıq şəkildə Rusiyaya silah və PUA yardımları etməsidir.

Tural Tağıyev
AzVision.az



Teqlər:   İran   Rusiya   Ukrayna   ABŞ  





Xəbər lenti


Azvision.az ©2014 | Bütün hüquqları qorunur