AzVision.az xəbər verir ki, "Hraparak" Akopyanın dövlət sirrlərini yaymasından da gileylənib.

Artsrun: "11 min fərarimizin olması inandırıcı rəqəmdir"

"Prokurorluq Annanın Açarkut kəndində 44 günlük müharibə zamanı erməni tərəfdən 11 min fərarinin olması barədə bəyanatına əsaslanaraq cinayət işi başlatmayıb. Bu barədə bizə Baş Prokurorluqdan sorğumuza əsasən məlumat verildi. Xatırladaq ki, Anna Akopyanın açıqlamasından bir həftə əvvəl Azərbaycan prezidenti də eyni rəqəmi açıqlamışdı. Rəsmi Bakı bəyan etmişdi ki, Ermənistan ordusunda 11 min fərari olub, Azərbaycan ordusunda isə bir fakt belə qeydə alınmayıb. Ancaq baş nazirin heç bir vəzifə tutmayan həyat yoldaşının belə rəqəmlərə malik olması, Ermənistan ordusunu və hərbçilərini gözdən salaraq onları ictimailəşdirməsi təəccüb doğurur", - məqalədə yazılıb.

Müəllif həmçinin yazır ki, "Baş Prokurorluğa müraciətimizdə 44 günlük müharibə zamanı və ondan sonra fərariliklə bağlı nə qədər işin açıldığını, neçə nəfərin həbs edilməsi ilə bağlı tədbirlərin görülməsini göstərməyi xahiş etmişdik. Prokurorluq yaxşı anlayırdı ki, Akopyanın dediklərinin yalan olmasını sübut etmək üçün hər şeyi etməlidirlər. Əslində isə faktlarla, rəqəmlərlə hoqqabazlıq edərək onun sözlərinə haqq qazandırmağa çalışırlar".

Xatırladaq ki, Anna Akopyan aprel ayının əvvəlində Tavuş rayonunun Açarkut kəndində 44 günlük müharibə zamanı öldürülmüş David Şahnazaryanın anadan olmasının 23-cü ildönümünə həsr olunmuş tədbirdə çıxışı zamanı fərarilərlə bağlı qalmaqallı açıqlama vermişdi. “44 günlük müharibə zamanı 11 min fərarimiz var idi. 11 min hərbçi, könüllü, zabit”, - baş nazirin həyar yoldaşı qeyd edib.

Tural Tağıyev
AzVision.az