Azərbaycanla Rusiya arasında ikitərəfli siyasi məsləhətləşmələr keçirilib

   Azərbaycanla Rusiya arasında ikitərəfli siyasi məsləhətləşmələr keçirilib
  01 İyun 2023    Oxunub:566
Mayın 31-i Moskva şəhərində Azərbaycanla Rusiya arasında ikitərəfli siyasi məsləhətləşmələr keçirilib.
AzVision.az XİN-ə istinadən xəbər verir ki, məsləhətləşmələrdə Azərbaycan tərəfini Azərbaycan xarici işlər nazirinin müavini Xələf Xələfov, Rusiya tərəfini isə Rusiya xarici işlər nazirinin müavini Mixail Qaluzin təmsil edib.

Məsləhətləşmələr zamanı Azərbaycan-Rusiya münasibətlərinin ikitərəfli gündəliyində olan siyasi, iqtisadi, humanitar və digər aktual mövzular, müqavilə-hüquq bazasının genişləndirilməsi, regional əməkdaşlıq və təhlükəsizlik, o cümlədən qarşılıqlı maraq kəsb edən beynəlxalq məsələlər ətrafında geniş fikir mübadiləsi aparılıb.

Nümayəndə heyətləri regionda sülh, təhlükəsizlik və sabitliyin möhkəmləndirilməsinə yönəlmiş səylərin, Azərbaycan və Ermənistan arasında münasibətlərin normallaşdırılması kontekstində əldə olunan bütün razılaşmaların icrası istiqamətində ardıcıl addımların atılmasının vacibliyini qeyd ediblər.

AzVision.az


Teqlər: XİN  





Xəbər lenti