Səfər çərçivəsində BMT Baş katibinin köməkçisi, BMT-nin Təlim və Tədqiqat İnstitutunun (UNITAR) icraçı direktoru Nixil Set ilə Dövlət Agentliyinin sədri Ülvi Mehdiyev arasında görüş keçirilib. Görüş zamanı Ülvi Mehdiyev UNITAR-ın 60 illiyi münasibətilə qarşı tərəfə təbrikini çatdırıb, ötən dövr ərzində UNITAR ilə Dövlət Agentliyi arasında məhsuldar əməkdaşlığın həyata keçirildiyini, bundan sonra da müvafiq sahələr üzrə əməkdaşlığın dərinləşdirilməsi istiqamətində fəaliyyətlərin davam etməsinin zəruriliyini vurğulayıb.
BMT Baş katibinin köməkçisi, BMT-nin Təlim və Tədqiqat İnstitutunun icraçı direktoru ölkəmizin “ASAN xidmət” modelinin dövlət xidmətlərinin göstərilməsi sahəsində dünyanın ən qabaqcıl konsepsiyalarından biri olduğunu bildirib. Bu istiqamətdə Dövlət Agentliyi ilə həyata keçirilən əməkdaşlıqdan məmnunluğunu ifadə edən Nixil Set təlim və tədqiqat sahələrində müxtəlif layihələrin icra ediləcəyini bildirib.
Sonra Dövlət Agentliyi ilə UNITAR arasında təlim və potensialın artırılması fəaliyyətləri üzrə əməkdaşlıq haqqında Anlaşma Memorandumu imzalanıb. Sənədin icrası çərçivəsində Dövlət Agentliyinin nümayəndələri tərəfindən dövlət xidmətlərinin göstərilməsi və burada tətbiq olunan sosial innovasiyalar və digər müvafiq sahələr üzrə insan kapitalının inkişafı istiqamətində UNITAR-ın xətti ilə BMT-yə üzv ölkələrin dövlət qulluqçularına təlimlərin keçirilməsi planlaşdırılır. Eyni zamanda Memorandum “ASAN xidmət”in qabaqcıl təcrübəsinin müxtəlif ölkələrdə təbliği və tətbiqi imkanlarını genişləndirəcəkdir.
AzVision.az
“ASAN xidmət” BMT-yə üzv ölkələrin dövlət qulluqçularına təlimlər keçəcək
21 İyun 2023
Oxunub:936
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyevin rəhbərlik etdiyi nümayəndə heyəti İsveçrənin Cenevrə şəhərində işgüzar səfərdədir.
Teqlər:
Vaxtında, Aydın, Lazımlı!
-1782202883.jpg&h=120&w=187&zc=1&q=70')
