Ana və uşaq doğuş zamanı öldü

Ana və uşaq doğuş zamanı öldü
  02 İyun 2014    Oxunub:1007
Ötən gün Bakıda doğuş zamanı ana və uşağı dünyasını dəyişib.
Hadisə axşam saatlarında Suraxanı rayon 3 saylı Doğum evində qeydə alınıb. Belə ki, doğum evinə yerləşdirilən 33 yaşlı Vəliyeva Aynurənin vəziyyəti qəfildən pisləşib. Həkimlərin səyinə baxmayaraq, onun həyatını xilas etmək mümkün olmayıb.

Məsələ ilə bağlı 3 saylı Doğum Evinin şöbə müdiri Nazilə Abdullayeva ilə əlaqə saxladıq. Müdirin Anspress-ə verdiyi məlumata görə, Aynurə Vəliyeva xəstəxanaya daxil olarkən vəziyyəti normal olub. "Onun halı qəfildən pisləşib. Ana və körpə emboliya səbəbindən dünyasını dəyişib”.

Onun sözlərinə görə, hadisə ilə bağlı bütün məlumatlar Səhiyyə Nazirliyinə və rayon prokurorluğuna təqdim olunub.

İşi araşdıran müstəntiq Şamil Şəmmədlinin ANS PRESS-ə verdiyi məlumata görə, faktla bağlı cinayət işi başlanıb, araşdırma aparılır.

Qeyd edək ki, hazırda məsələ Səhiyyə Nazirliyinin Doğuşa Yardım Komissiyası tərəfindən araşdırılır. Araşdırmalardan sonra hadisənin dəqiq səbəbləri məlum olacaq.

Xatırladaq ki, adıçəkilən xəstəxanada bir necə gün öncə də bir günlük qız uşağı dünyasını dəyişib. Ailə bir günlük körpənin ölümündə həkimi günahkar bilir. İddialara görə ana Ayşən Abdullayeva xəstəxanya gələrkən vəziyyəti normal olub və hamiləlik dövründə müvafiq müayinələrdən keçib. Nə baş veribsə, xəstəxanada baş verib.


Teqlər:  





Xəbər lenti