Azərbaycanda 3 nəfərə sümük iliyi köçürülüb

Azərbaycanda 3 nəfərə sümük iliyi köçürülüb
  09 İyul 2014    Oxunub:768
Azərbaycanda sümük iliyinin transplantasıyasına başlanılıb.
Bunu Azərbaycanın səhiyyə naziri Oqtay Şirəliyev kollegiya iclasında çıxışı zamanı deyib.

Onun sözlərinə görə, uzun illər qarşıda dayanan sümük iliyinin transplantasiyası proble­mi də öz müsbət həllini tapır: "Artıq bizim həkimlər Belarusdan gələn mütəxəssislərlə birgə 3 xəstəyə sümük iliyi köçürüblər. Düşünürəm ki, bu bizim üçün həqiqətən böyük uğurdur".

Nazirin sözlərinə görə, tək-tək ölkələr var ki, orada sümük iliyinin transplantasiyası əməliyyatları yerinə yetirilir:

"Nəinki keçmiş Sovet İttifaqı ölkələrində, Avropada da ancaq yüksək inkişaf et-miş dövlətlərdə bu cür əməliyyatlar həyata keçirilir. Həm sümük iliyi transplantasiyası emeliyyatı, həm də əməliyyatdan sonra xəstənin veziyyətdən çıxarılması üçün çox böyük vəsait təl əb olunur və bu vəsait Azərbaycanda dövlət tərəfindən ödənilir".(Trend)


Teqlər:  





Xəbər lenti