AzVision.az Ukrayna mediasının yaydığı məlumata istinadən xəbər verir ki, amerikalı senator Ukraynanın Rusiyanın Kursk vilayətində keçirdiyi hərbi əməliyyatın “cəsarətli, parlaq və sadəcə gözəl” olduğunu deyib. O, uduzulması mümkün olmayan müharibədə qalib gəlmək üçün ABŞ-nin Ukraynaya bütün silahları göndərməsinə Co Baydeni inandıracaığına söz verib. Lindsi Qrem hətta təqaüddə olan amerikalı pilotların da Ukraynanı dəstəkləyə biləcəyini istisna etməyib.

“Azadlıq uğrunda döyüşmək istəyən təqaüdçü F-16 pilotları Ukrayna tərəfindən işə götürülə bilər. Kiyev öz poltolarını hazırlayana qədər ukraynalılar NATO ölkələri arasında təqaüdə çıxmış hazır pilotlar axtaracaqlar. Beləliklə, Ukrayna daha əvvəl müttəfiqlərin verdikləri F-16 təyyarələrini öz pilotları təlim keçərkən istifadə edə biləcək. Mən bu məsələni qaldıracağam. Mən prezident Baydendən xahiş edəcəyəm ki, vəzifəsini tərk etməzdən əvvəl bu dəvətin verilməsini təmin etsin”, - amerikalı senator deyib.

Ukrayna prezidenti Volodimir Zelenski ilə görüşündə Lindsi Qrem Kiyevin Moskva ilə müharibədə nəinki duruş gətirdiyindən, hətta Rusiya ərazilsinə müdaxiləsindən məmnun olduğunu vurğulayıb.

“Deyirdilər “Kiyev 3 günə yıxılacaq”, amma məlum oldu ki, 2,5 ildən sonra artıq Rusiyaya müdaxilə edirsiniz. Biz sizin hökumətinizlə fəxr edirik. Cəsarətlidir. Şadam ki, bu barədə bizi xəbərdar etmədiniz, demədiyiniz, amma bunu etdiniz”, - respublikaçı senator bildirib.

Moskva: "Kurska hücumda NATO-nun əli var"

Yeri gəlmişkən, Lindsi Qremin, habelə kollektiv Qərbin bütün təmsilçilərinin böyük inadkarlıqla Ukraynanın Rusiyanın Kursk vilayətinə hərbu müdaxiləsi planlarından xəbərləri olmadığı barədə eyni məzmunlu bəyanatları tamamilə əks effekt verir, yəni bir növ yatanları da oyadır. Moskvanın Kursk vilayətinə hücum əməliyyatına NATO-nun hərbi komnadalığının rəhbərlik etməsi barədə iddiası da şübhəsiz ki, konkret faktlara əsaslanır.

Sahil İsgəndərov
AzVision.az