`USAİD pulları eyni QHT-lərə ayırır`

`USAİD pulları eyni QHT-lərə ayırır`
  16 İyul 2014    Oxunub:1316
“ABŞ-ın Beynəlxalq İnkişaf Agentliyi - USAID tərəfindən Azərbaycanda müstəqil medianın inkişafı üçün qrantın qəsdən gizlin elan edilməsi məqsədli xarakter daşıyır”. Bunu Bütöv Azərbaycan Xalq Cəbhəsi Partiyasının sədr müavini Niyaməddin Orduxanlı deyib.
Onun sözlərinə görə, bu kimi təşkilatlar indiyə qədər yalnız Azərbaycan hakimiyyətinin, dövlətinin əleyhinə olan QHT-lərlə çalışıb: “Belə təşkilatlar xüsusilə radikal müxalifətin təsiri altında olan QHT və media qurumları ilə çalışırlar. Burada da məqsəd maraqlı olduqları məsələlərə çatmaqda Azərbaycan hakimiyyətinə birbaşa təzyiq etməkdir.

Son illər ABŞ yönümlü beynəlxalq təşkilatların Azərbaycanda elan etdiyi qrant layihələrində yalnız radikal müxalifətin təsiri altında olan, özlərinə yaxın QHT-lər qalib olub. Bu yaxınlarda bunu ATƏT Parlament Assambleyasın Bakıda keçirilən 23-cü sessiyasında ATƏT rəhbərliyi ilə Azərbaycandan fəaliyyət göstərən QHT sədrlərinin görüşündə də qeyd edildi. Onlara bunun hansı səbəbdən baş verdiyi sual edildi. Təəssüf ki, bu suallara cavab verilmədi. Onların nəzərinə çatdırıldı ki, son illərdə 28 milyondan artıq qrant layihələri həyata keçirdiblər və bu layihələrin 80%-i 20-yə yaxın eyni QHT-lərə verilib. Bu təşkilatlar da birbaşa radikal siyasi kurs tutanlardır. Niyə məhz bu təşkilatlara veriblər? Bircə fakt yoxdur ki, hakimiyyətin yürütdüyü siyasəti dəstəkləyən , konstruktiv mövqe tutan və ya bitərəf QHT-lər bu qrantlardan faydalansınlar. Hesab edirəm ki, bunu ABŞ-ın qəsdən edir və bu onların yeritdiyi siyasətdir”.


Teqlər:





Xəbər lenti


Azvision.az ©2014 | Bütün hüquqları qorunur