AzVision.az xəbər verir ki, adının açıqlanmasını istəməyən təhlükəsizlik məsələləri üzrə bir qərbli məmur “Bloomberg” agentliyinə açıqlamasında belə deyib.
“Müqavilələr 2021-ci ilin oktyabrında - müharibə başlamazdan bir neçə ay əvvəl imzalanıb. Onlar ballistik raketlərin və “yer-hava” tipli raketlərin tədarükü ilə bağlı idi. Alınmalara aşağıdakılar daxildir: yüzlərlə “Fath-360” qısa mənzilli ballistik raketlər; 500-ə yaxın digər qısa mənzilli ballistik raketlər; hava hücumundan müdafiə sistemləri ilə əlaqəli təxminən 200 “yer-hava” raketi”, - mənbə bildirib.
İran həmçinin Moskvaya milyonlarla döyüş sursatı və artilleriya mərmiləri, eləcə də “Şahed-136” kamikadze pilotsuz uçan aparatları və onların Rusiyada “Geran-2” adı ilə istehsalı texnologiyası verib. 2023-cü ilin əvvəlində imzalanan dron müqaviləsinin dəyəri 1,75 milyard dollar olub.
Ümumilikdə, Qərb mənbələri Rusiyanın 2021-ci ilin sonundan bəri İranın hərbi texnikasına 4 milyard dollardan çox xərclədiyini təxmin edir.
Sahil İsgəndərov
AzVision.az
İran Rusiyaya nə qədər raket satıb?
13 Yanvar 2026
Oxunub:960
Hələ Rusiyanın Ukraynaya tammiqyaslı hərbi müdaxiləsindən əvəvl İran raket silahlarının tədarükü üçün Moskva ilə 2,7 milyard dollarlıq müqavilələr imzalayıb.
Vaxtında, Aydın, Lazımlı!
