ADU-nun İctimaiyyətlə əlaqələr departamentindən AzVision.az-a verilən məlumata görə, rektor, professor Səməd Seyidov səfiri ADU-da görməkdən məmnun olduğunu dilə gətirdi.
Rektor Səməd Seyidov universitetdə aparılan islahatlar haqda danışdı. O, ADU-da 6000 tələbənin təhsil aldığını bildirdi. Yeni tədris ilində yeni dillərin tədrisinin nəzərdə tutulduğunu dedi, o cümlədən bu tədris ilindən universitetdə macar dilinin tədrisinə başlamasından söz açdı. ADU-nun tələbə yataqxanasının tam təmir edildiyini, universitetin İnformasiya Resurs Kompleksinin (İRK), İRK-nın Amerika mərkəzinin yenidən açılmasının nəzərdə tutulduğunu sözlərinə əlavə etdi. Eyni zamanda rektor, professor Səməd Seyidov Azərbaycandakı inkişaf haqda, iqtisadi yüksəliş barədə söz açdı, Bakıda müxtəlif beynəlxalq forumların keçirildiyini səfirin diqqətinə çatdırdı.
Səmimi qəbula görə təşəkkür edən İraqın Azərbaycandakı fövqəladə və səlahiyyətli səfiri Heydər Şiyə Qubeyşi Əl-Barrak, öz növbəsində ADU-da olmaqdan məmnun olduğunu dedi.
Görüşdə Azərbaycan-İraq münasibətləri, həmçinin ikitərəfli əlaqələr və əməkdaşlığın inkişafı haqda fikir mübadiləsi aparıldı
İraq səfiri rektorla görüşüb
11 Sentyabr 2014
Oxunub:2123
Sentyabrın 11-də Azərbaycan Dillər Universitetinin rektoru, Milli Məclisin deputatı, professor Səməd Seyidov İraqın Azərbaycandakı fövqəladə və səlahiyyətli səfiri Heydər Şiyə Qubeyşi Əl-Barrakı qəbul etdi.
Vaxtında, Aydın, Lazımlı!
