Leyla Əliyeva xəstəxanada - FOTOLAR

  04 Oktyabr 2014    Oxunub : 2153
Leyla Əliyeva xəstəxanada - FOTOLAR
Heydər Əliyev Fondunun vitse-prezidenti Leyla Əliyeva və IV Bakı Beynəlxalq Humanitar Forumunun iştirakçısı, Rusiyada uşaqlara yardım praktiki cərrahiyə tibbi mərkəzinin direktoru akademik Andrey Pritıko Talassemiya Mərkəzində olublar.
Heydər Əliyev Fondunun vitse-prezidenti Leyla Əliyeva və akademik Andrey Pritıko Talassemiya Mərkəzində yaradılan şəraitlə tanış oldular. Səhiyyə naziri Oqtay Şirəliyev məlumat verdi ki, Heydər Əliyev Fondunun təşəbbüsü ilə yaradılan Mərkəzin fəaliyyəti irsi qan xəstəliyi olan talassemiyadan əziyyət çəkən xəstə uşaqlar, eləcə də onların valideynləri üçün böyük əhəmiyyət daşıyır. Çünki bu xəstələrin həyatı ilk növbədə onlara hər ay qan köçürülməsindən və hər gün dəmirqovucu preparatlar verilməsindən asılıdır.

Leyla Əliyeva və Andrey Pritıko Mərkəzdə müalicə alan xəstələrlə görüşdülər.

Andrey Pritıko Mərkəzdə yaradılan şəraiti yüksək qiymətləndirdi və bu tibb ocağının mühüm əhəmiyyət kəsb etdiyini bildirdi.

Mərkəzdə müalicə olunan uşaqlara Heydər Əliyev Fondu tərəfindən hədiyyələr təqdim edildi.

AzVision.az

Foto


Teqlər: