“ASAN xidmət”, YARAT Müasir İncəsənət Məkanı, Beynəlxalq Muğam mərkəzi və “ASAN Könüllüləri” Gənclər Təşkilatı İctimai Birliyinin birgə təşkilatçılığı ilə Azərbaycan və dünya incəsənətinə həsr olunan mühazirələr davam edir. AzVision.az xəbər verir ki, bu çərçivədə növbəti mühazirə 17 oktyabr 2014-cü il tarixində saat 19:00-da Beynəlxalq Muğam mərkəzində sənətşünaslıq üzrə fəlsəfə doktoru Ziyadxan Əliyev tərəfindən keçiriləcək. Mühazirə Xalq rəssamı Səttar Bəhlulzadənin yaradıcılığına həsr olunacaq.

Mühazirənin mövzusu Azərbaycan rəssamlıq məktəbinin görkəmli nümayəndələrindən biri, Azərbaycanın əməkdar incəsənət xadimi, xalq rəssamı Səttar Bəhlulzadənin yaradıcılığına həsr olunacaq. Qeyd olunan layihə çərçivəsində incəsənət sahəsində tanınmış ekspertlər tərəfindən ümumi mühazirələr təşkil olunur. Azərbaycan və dünya mədəniyyətinə, incəsənətinə həsr olunan mühazirələrdə “ASAN xidmət” mərkəzlərinin əməkdaşları, könüllüləri və vətəndaşlar iştirak edirlər.

Layihə müddətində bugünə kimi 3 mühazirə təşkil olunub və ümumilikdə 300 nəfər iştirak
edib. Silsilə mühazirələr iştirakçıların milli və dünya incəsənəti ilə bağlı biliklərinin artırılmasına yönəlib.

AzVision.az