Heydər Əsədov Xaçmazda vətəndaşlarla görüşüb
Nazirliyin mətbuat xidmətindən AzVision.az-a verilən məlumata, Kənd təsərrüfat naziri Heydər Əsədov noyabrın 7-də Xaçmaz şəhərindəki Tarix Diyarşünaslıq Muzeyində Xaçmaz, Quba, Qusar, Şabran, Siyəzən və Xızı rayonlarından olan vətəndaşları qəbul edib.
Müraciətlərin əksəriyyəti suvarma sistemində yaranan problemlər, subsidiyaların miqdarı, kənd təsərrüfatı texnikalarının güzəştli kreditlər hesabına alınması, toxumçuluğun inkişaf etdirilməsi, heyvanlar arasında yaranan xəstəliklər və işlə təminat ilə bağlı olub.
Qəbul zamanı vətəndaşların qaldırdıqları bir çox məsələlər yerindəcə həll edilib, nazirliyin səlahiyyətlərinə aid olmayan müraciətlər isə müvafiq qurumlara çatdırılmaq üçün qeydə alınaraq nəzarətə götürülüb.
AzVision.az
Teqlər: