“Primadonna” Əli Kərimliyə görə qəzəbləndi

  01 Dekabr 2014    Oxunub : 2017
“Primadonna” Əli Kərimliyə görə qəzəbləndi
ADP sədri Sərdar Cəlaloğlunun AXCP sədrinin “siyasətin primadonna”sı adlandırması xalq artisti İlhamə Quliyevanı özündən çıxardıb.
“Primadonna onun özüdür, varlığıdır. Mən Azərbaycan mədəniyyətinin kraliçasıyam. Məni o tanımasa da xalq tanıyır, sevir. Ümumiyyətlə isə Sərdar Cəlaloğlu hansı siyasətə qulluq edir, onu da bilmirəm. O cür adamları tanımıram, tanımaq da istəmirəm. Qoy gedib, öz işləri ilə məşğul olsun”.

AzVision.az xəbər verir ki, bu sözləri primadonna “Yeni Müsavat”ın əməkdaşına açıqlamasında bildirib.

İlhamə Quliyeva S.Cəlaloğluna zamanında cavab verəcəyini də deyib: “Mən hazırda xarici ölkədəyəm. Lakin lazım gələrsə, onun bu barədə cavabını verəcəm”.

Qeyd edək ki, bu günlərdə Sərdar Cəlaloğlu mətbuatda AXCP sədri haqda sərt ittihamlar demişdi: ”Sən kimsən axı?! Sən heç özünü idarə edə bilmirsən, gəlib məni idarə edə bilərsən? Sən kimsən qiymət verirsən?! İlhamə artistlərə ad verdiyi kimi Əli Kərimli də özünə belə bir missiya götürüb. Azərbaycanda siyasi partiyalara ad qoyur ki, Müsavat filandır, AMİP filandır, bunlar satqındır. A bala, sənə bu hüququ kim verib? Sən də siyasətin primadonnasısan?”

Teqlər: