Quba Regional Hidrometeorologiya Müəssisəsindən AzərTAc-a bildiriblər ki, artıq dağlıq ərazilərdə qarın hündürlüyü 10 santimetrdən çoxdur. Ən çox yağıntı isə Qubanın Xınalıq kəndinə düşüb. Burada qarın hündürlüyü 17 santimetrə çatır. Qarın yağması ilə əlaqədar şimal bölgəsində hava kəskin soyuyub, dağlıq ərazilərdə temperatur mənfi 10 dərəcəyədək aşağı düşüb.
Qarın yağması Quba və Qusarın ucqar kəndlərinə gedən yollarda hələlik heç bir problem yaratmayıb. Bütün istiqamətdə magistrallar açıqdır və yollarda yol istismarı idarələrinin növbətçi briqadaları xidmət aparırlar.
Quba Regional Hidrometeorologiya Müəssisəsindən qarlı hava şəraitinin dekabrın 4-dək davam edəcəyi bildirilib.
Vaxtında, Aydın, Lazımlı!
-1714739539.jpg)
-1714739539.jpg&h=200&w=200&zc=2&q=70)
