Erməni nazir deputatı hədələdi: `Övladlarınız var...`
AzVision.az `News.am`-a istinadən xəbər verir ki, nazir Postancyanın hərəkətini “Femen” aktivistlərinin fəaliyyəti ilə müqayisə edib.
Parlametdə “Bayramlar və əlamətdar hadisələr haqqında” qanun layihəsi üzrə dinləmələrə qatılan nazir Armen Aşotyan ötən gün etiraz aksiyası zamanı prezident Serj Sarkisyan, Konstitutsiya Məhkəməsinin sədri Qaqik Aratyunyan və Mərkəzi Seçki komissiyasının sədri Tiqran Mukuçyanın şəkillərini yandıran erməni deputat Zauri Postancyanı hərəkətini pisləyib.
“Öz ekssentrik hərəkətlərinizlə siz “Femen” və ya “Pussy Riot” kimi qalmaqallı hərəkatlara yaxınlaşdınız. Belə etməyin. Siz ciddi və ağıllı qadınsınız. Övladlarınız var. Əgər hakim Respublika partiyasının fəalları qadın manekeni alıb, onun üzərinə sizin geyimlərinizə bənzər paltarlar geyindirib, ona nəsə etsələr, daha sonra onu çəkib internetə yerləşdirsələr yaxşı olar? Ola bilsin ki, sizin səviyyəniz belədir, amma bizim yox. Bizi çarəsizlikdən tədbirlər görməyə məcbur etməyin”, - deyə nazir bildirib.
Eldar Tanrıverdiyev
AzVision.az