Məşhur memar Zaha Hadid dünyasını dəyişdi
65 yaşlı memar bronxitdən müalicə aldığı Mayami hospitalında ürək tutmasından vəfat edib.
Qeyd edək ki, 1950-ci ildə Bağdadda dünyaya gələn memar Bakıdakı Heydər Əliyev Mərkəzinin layihə müəllifidir. O, Londonda Arxitektura Assosiasiya Məktəbində təhsil alıb.
Xanım memar dünyaca məşhur bir sıra komplekslərin, o cümlədən 2012-ci ildə London Olimpiya Oyunlarının keçirildiyi binalardan biri olan London Su İdman Növləri Mərkəzinin memarı olub.
Xatırladaq ki, Heydər Əliyev Mərkəzinin binasının inşasına 2007-ci ildə başlanılıb. 2012-ci il mayın 10-da istifadəyə verilən Heydər Əliyev Mərkəzinin binası dünya memarlığının incilərindən sayılır.
Binanın layihəsinin müəllifi olan Zaha Hadid dünyanın bir sıra tikinti komplekslərinin arxitektura müəllifi kimi tanınır.
AzVision.az