Banklar niyə dollar almır?

Banklar niyə dollar almır?
  02 Aprel 2016    Oxunub:3144
Azərbaycan bankları tərəfindən Mərkəzi Bankın hərracları vasitəsilə xarici valyuta alışının həcminin azalması həm bankların, həm də əhalinin dollara olan tələbatının aşağı düşməsi ilə bağlıdır.
AzVision.az xəbər verir ki, bunu Trend-ə Azərbaycan Banklar Assosiasiyasının rəhbəri, "Rabitəbank"ın Müşahidə Şurasının sədri Zakir Nuriyev deyib.

Onun sözlərinə görə, banklar əsasən müştərilərinin tələbatına əsaslanaraq valyuta alırlar: "Banklararası əməliyyatlarda tələbatlarını qarşılamaq üçün banklar hərracda xarici valyuta almırlar. Belə tələbat xarici kreditlər üzrə öhdəliklərin yerinə yetirilməsi zamanı və ya bankın valyuta mövqelərinin bərpa edilməsi üçün yaranır".

Z.Nuriyev qeyd edib ki, valyutanın satış həcminin azalması ilk növbədə bankın müştəriləri tərəfindən sifarişlərin sayının azalması ilə bağlıdır: "Hazırda belə sifarişların sayı çox azdır, buna görə də banklar əldə edilən valyutanın həcmini azaldıblar. Bundan başqa, nəzərə almaq lazımdır ki, bankın müştəriləri də banka xarici valyuta satır. Bu, hər bir bankın daxili əməliyyatıdır, buna görə də həmin əməliyyatlar barədə məlumat hamı tərəfindən əlçatan deyil".

Qeyd edək ki, bu ilin yanvarında banklar hərracda orta hesabla 144,56 milyon dollar almışdısa, martda analoji göstərici 48,23 milyon dollar (təqribən 3 dəfə azalma) olub.

AzVision.az


Teqlər:





Xəbər lenti


Azvision.az ©2014 | Bütün hüquqları qorunur